لمحة تاريخة عن المذرحة ^ـ^

• 23 أغسطس 2014
• 4 تعليقات

في الفتره الاخيره في تويتر كنت اكتب كلمة اتمذرح و كثير يسآلوني عن معنى هذي الكلمه و سبب استخدامي لها في وقت فراغي قبل ان اقعد امشي بشوارع العاصمة الجميله الرياض و بعض البلدان المجاوره لنا ^ـ^

تاريخ المذرحه : كلمة لها تاريخ قديم وهو تقريباً قبل العام ٤٠٠ قبل الميلاد اساس هذي الكلمه فارسي وكانت تطلق على الملك قمبيز الثاني احد ملوك الفرس وهو من حكم مصر من خلال غزوه عليها في عام 525 قبل الميلاد ، حيث كان في طريقة للغزو يتغذ من عشبه توجد في شمال المملكه اسمها ( الطيطه ) وهي لا تزال توجد حتى وقتنا الحضار في شمال السعوديه …
طبعاً الطيطا هي نبته مالها اوراق او بالاصح مثل البصل الاخضر بس صغيره وطعمها مثل طعم البصل و يعتبر قريب من الليمون لكن فيه ملوحه ..

الملك قمبيز : كان الملك قمبيز احد دشير ملوك الفرس ،وكان يلقب نفسه حورس موحد الأرضين ( وهو عند اهل الشمال يسمونه ماكل الطيطه ) طبعاً يقصد الارضين بلاد فارس قبل لا يسحب منه كل شي سمردس وهو احد الكهان في مملكته و وكان سمردس احد اهم موسعين الطبقة الرديكاليه في الديار الذهبيه . ( مالنا علاقه فيهم )

مذرحة : سبب هذي الكلمة هي ان هذا الملك الي هو “قمبيز” كان بعد اكله لعشبة الطيطا ينبسط او يبسط نفسه و يمشي بالتنقل من بلاد الفرس الى مصر و هو في حاله يسمونها في زمان هذا الملك مذرحه وهي خليط من العصف الذهني و بعد النظر الرومنسي وكما هو معروف ان الملك قمبيز مؤلف اول كتاب يروي قصة الحيوانات وكان اسم كتابه الاول ” عندما تتهامس الفيلا ” و هذه المذرحه من اعراضها ان الشخص يكون وفق معطيات العقل الباطن

تجربة سينمائيه فاشلة

• 26 أبريل 2014
• 3 تعليقات

البداية كانت بعد محاولة لتغيير الروتين مع زملائي الشيبان في استراحة ( الحناتيش) وهي بسبب دخول عضو جديد “مستجد” فيها وهو سميي بعد “بدر معوش” و قبل ان امارس معهم على بدر ما كان يمارسونه معي كم سنه وهو يتلخص بالمثل الشهير ” صغير القوم خادمهم ”
كسر الروتين كان معروض في قناة mbc2 دعاية عن فلم و يقولون ان الفلم الي بيعرض بعد شوي سبايدر مان (الي مثل العنكبوت) ومبيعاته عالمية ومدح كبير انا بدوري كان هالكلام سلاح تشويقي للشيبان بالاستراحة و قلتلهم وانا انصب (يا شباب هالفلم اول عرض له بالعالم الان) و كان مكاني بوسط المجلس قريب للشاشه لاني اعمى ونظري ٤/٦ و مباشرة بعد كلامي انا مجهز نفسي وماخذ وضعية الانسداح . اول توبيخ و شتايم جتني عيب تعطي الرجال ظهرك من احد الشيبان وهو ابو الوليد لكن كان دخول العضو المستجد هدف ( بعد ما صدقني انه اول عرض بالعالم ^_^ ) وطلبني ان يجلس يميني عشان يشوف وهو ما يزيد التواجد الشبابي في مجلس الشيبان ..
بداية الفلم كان تركيزهم على هالفلم والشي الجديد اني بسوي سينما ^_^ و تم اطفاء الانوار ( لغة عربيه صح ) :d الزبده بعد ما طفينا الضوء كانت المفاجئة ان الي يهزئني استرجع الماضي و انسدح مقابل التلفزيون واعجبته فكرة ان فيه سينما ( كذب الكذبه و صدقها )
بعد الاندماج و الحميمية في دخول ثقافة السينما بالاستراحه و قبل اطلب للشيبان المتبطحين بيره شعير ^_^ كانت الصدمة الغير متوقعة

عزيزتي الفتاة الخليجية .. أبتسمي ^_^ فأنتي رفله :(

• 12 سبتمبر 2013
• 4 تعليقات

‫
هذا هو واقع الكثير من الحريم عندنا و البنات وهو اصابتهم في مرض الرفالية العالمي , وهذا المرض ينتشر في اوساط المجتمعات المطنوخه و الي فلوسهم واجد , ويشكل هذا المرض مشكلة في السعودية ودول الخليج , وقد يعتبر بالسعودية أقل من بعض دول الخليج … و كلمة فلوسهم واجد نقصد فيها ان ممكن يطير نص الراتب لمدة سنة عشان رسوم الخادمة و تتقاسم طول تواجدها جزء من رواتبهم و قد يصابون في حالة من أمراض ( الجعير التقني ) بـ كتابتهم في هاشتاق الراتب ما يكفي الحاجه ,, و جزء كبير من الحاجه هو الخدامة , و الأشكالية الان صار فيه البرستيج الجديد وهو وجود خادمتين في البيت وحدة تنظف و الثانية تربي الأولاد !!!!!
طبعاً سبب كتابتي هالتدوينه أني قريت تقرير في صحيفة نيو يورك تايمز , ان النساء الخليجيات الاكثر تبلد في خدمة أزواجهن , ومن أساسيات الحياة لدى النساء هو وجود الخدم لعدم قدرتهن على خدمة ازواجهن (( يا الرفلااات )
أنواع الخادمات في المنازل :
للخادمات وظائف كثير و كل وظيفة تفرق عن الثانية بشكل جذري ,
مديرة منزل , خادمة الغرف , خادمة الغسيل , طباخة , مساعدة طباخة , خادمة ترتيب الملابس ,
وهذا عكس الي يصير عندنا يعني الخادمة ( تنظف , و تغسل و تربي و تطبخ و تنوم … الخ ) و ممكن ترتفع درجاتها و يتزوجها راعي البيت وهذا الشي عندنا نادر لان راعي البيت يخاف من الفضايح عند أصدقاهـ و جماعته ^_^ عشان ما يقولون له يـــ ( زوج الخدامه )
حل توفيري لـ مكافحة الرفالية و نصيحة للأزواج ,, اذا زوجتك قالت ابي خادمة , الشرع حلل 4 و جيب وحده ثانية تساعدها في أمور بيتك دامها ما تقدر
لان لو زوجتك من نوع الرفلة ستاندر فهي تبي خادمة وحده تكفيها
وإذا هي من نوع الرفلة مودرن فهي تبي خادمة + مربية
يعني أحسبها صح أخي المسلم
خادمة فلبينية ( تربي عيالك ) — راتبها 1500 ريال
خادمة أندونيسيه ( تطبخ لك و الرفله نايمة تشخر ) – راتبها 1200 ريال
يعني راتب الاثنين لا يقل عن 2800 ريال !!! و رسوم الاستقدام كل خادمة بتكلفك 15 الف يعني الاثنين بـ 30 الف ريال
بهالحالة أتبع نصيحتي و تزوج 2 غير الرفله و بهالشي كسبان انت صفة ( طير شلوى ) الرجال الي ماخذ 3 حريم ^_^ بالاضافة الى تخفيف العنوسه في السعودية و تأجر على هذا الشي

ملاحظة مهمة : الكاتب عزابي ^_^
و ملاحظة ثانية الكلام الي باللون الأحمر , تراهـ من نوع خيطي بيطي يعني نصب ^_^