الفيسبوك تويتر انستقرام لينك دن يوتيوب قوقل بلس سناب شات    

من الذاكرة , حفرالباطن ,, باريس حفرالباطن , عاصمة الربيع

  • 30 مايو 2009
  • 6 تعليقات

 
لكل منا ذكريات في الماضي وانا كانت لي ذكريات حلوهـ في عاصمة الربيع او باريس حفرالباطن على ما يقوله اخوي عبدالمجيد الشمري صاحب موقع باريس حفرالباطن  وهي تعبر من محطات الحياهـ على ما يسمونها المثقفين 😀  فا قبل حفرالباطن كنت بالكويت وبعد حفرالباطن سكنت بالرياض ثم جيزان ( بوابة المستقبل )  والان مستقر بشكل نهائي بمدينة الرياض فا قبل كم يوم سافرة بجوله سياحية لحفر الباطن ومعي كم واحد من الشباب بحياتهم ما شافو حفرالباطن بس يسمعون عنها فا صارة ببالي اول شي اصورهـ بحكم اني مسوي فيها الولد الي يعرف يصور اللوحه هذا الي تدل على اهمية حفرالباطن مع العلم ان لي ملاحظات عليها وهي ان الي اذكرهـ شارع الملك فهد بحفرالباطن جنب بيتنا وبعد 10 سنوات غيرو الشارع الى هذا الشارع الي هو مدخل حفر الباطن واول مكان رحت له ومعي الشباب هو المدرسة الي درست فيها الابتدائي

طبعاً هذي المدرسة هي مدرسة عمار بن ياسر وهي تعتبر افضل مدرسة درسة فيها لعدة اسباب وهي 1- انها مقابل بيتنا بحفرالباطن 2- ان حسيت اني قوي فيها لان كنت بالنظام والكشافه وفريق المدرسة و فاشل بالمدرسة بس بحاتي ما جبت فيها دور ثاني بالمدرسة او اعادة السنه

هذي المدرسة اسمها كان الملك سعود وهي احد اخطر المدراس في حفرالباطن في وقتها كان لي اصدقى كثيير بالمدرسة ومن اهمهم بادي البادي و فهد الحلو و فهد مبارك و محمد جربوع و حمود مسهوج ( الله يرحمه ) وطلال البادي وفيه كثيير بس المشكله ماني عارف من اذكر منهم على كثرهم 😀  الوكاد انها كانت ايام حلوهـ طبعاً حفر الباطن لها معزهـ خاصه عندي

شرح اضافة موقع بالسيرفر ( لوحة دايركت ادمن )

  • 23 مايو 2009
  • 4 تعليقات

بسم الله الرحمن الرحيم , اليوم احد اصدقاي اخذ له سيرفر بلوحة تحكم دايركت ادمن وهي تعتبر لوحة من لوحات سيرفرات لينكس مثلها مثل السي بنل الي طبعاً بالبداية لازم الواحد يعرف فروق السي بنل عن الدايركت ادمن ومن اهمها هي ان الدايركت ادمن الدخول لها عن طريق البروت 2222 بعكس السي بنل 2086 و 2087 أو كتابة /whm  وبالنسبه لليوزر الاساس هي ان السي بنل الدخول بـ الروت ( root ) لكن الدايركت ادمن الدخول بـ ادمن
( admin ) طبعاً بالبداية اذا احد عندهـ سيرفر دايركت ادمن بعد استلامه عيب تروح للشركه الي اخذته منها وتقولهم ابي رقم الادمن دامك راعي سيرفر طبعاً بالبدايه نطبق هذا الامر من خلال السيرفر عن طريق الدخول بالروت
passwd admin
مثل الصورهـ هذي

طبعاً مثل ما هو واضح غيرنا الرقم السري الخاص بالادمن الحين نروح للوحة الدايركت ادمن عشان ندخل ونكتب العنوان زي كذا
http://www.site.com:2222
رايح يطلب منا اسم المستخدم والرقم السري اسم المستخدم  ادمن والرقم السري نفسه الي غيرناهـ من خلال الشيل
بعد ما ندخل راح يطلع عندنا باللوحه الخيارات هذي الموجودهـ بالصورهـ
طبعاً هذي مالنا فيها شي الي يهمنا بالموضوع ان نضيف مواقع من خلال  الادمن فــا فيه على اليمين قائمة الي فيها معلومات السيرفر وكم متبقي والباندويث وغيرها فيه فوقها مكتوب Reseller Level نضغط عليه وراح يدخلنا بحساب الادمن مباشرة نختار Add New User بعد ما نختارها راح تفتح لنا نفس الصورهـ
نختار Submit  لاضافة الموقع وفي حال الرغبه بتعديل خصائص البكج نختار Customize

وان شاء الله كان الشرح مفهوم مع اني اعرف نفسي 😀 اضيع الواحد بكثر الكلام

تحياتي لكم
الدكتور شخبوط

أطول ثعبان ,, ما انصح الحوامل يشوفونه

  • 17 مايو 2009
  • 26 تعليق

هذا مقطع لثعبان ( داب او حيه على قولة الشيبان ) كان مشغله واحد من الشباب طبعاً الي اعجبني بالمقطع ان خويي طار عقله ووقف شعر راسه بسبب المقطع مالكم بالطويله لتحميل المقطع اضعط على الرابط بالزر اليمين واختارو حفظ باسم http://www.badr-s.com/badr/atol-htabaan.wmv

ملاحظة ما انصح الحوامل يشوفونه عشان ما تفقد ولدها بسببي 😀

مقطع يفضخ القلب