الفيسبوك تويتر انستقرام لينك دن يوتيوب قوقل بلس سناب شات    

من الذاكرة , حفرالباطن ,, باريس حفرالباطن , عاصمة الربيع

  • 30 مايو 2009
  • 6 تعليقات

 
لكل منا ذكريات في الماضي وانا كانت لي ذكريات حلوهـ في عاصمة الربيع او باريس حفرالباطن على ما يقوله اخوي عبدالمجيد الشمري صاحب موقع باريس حفرالباطن  وهي تعبر من محطات الحياهـ على ما يسمونها المثقفين 😀  فا قبل حفرالباطن كنت بالكويت وبعد حفرالباطن سكنت بالرياض ثم جيزان ( بوابة المستقبل )  والان مستقر بشكل نهائي بمدينة الرياض فا قبل كم يوم سافرة بجوله سياحية لحفر الباطن ومعي كم واحد من الشباب بحياتهم ما شافو حفرالباطن بس يسمعون عنها فا صارة ببالي اول شي اصورهـ بحكم اني مسوي فيها الولد الي يعرف يصور اللوحه هذا الي تدل على اهمية حفرالباطن مع العلم ان لي ملاحظات عليها وهي ان الي اذكرهـ شارع الملك فهد بحفرالباطن جنب بيتنا وبعد 10 سنوات غيرو الشارع الى هذا الشارع الي هو مدخل حفر الباطن واول مكان رحت له ومعي الشباب هو المدرسة الي درست فيها الابتدائي

طبعاً هذي المدرسة هي مدرسة عمار بن ياسر وهي تعتبر افضل مدرسة درسة فيها لعدة اسباب وهي 1- انها مقابل بيتنا بحفرالباطن 2- ان حسيت اني قوي فيها لان كنت بالنظام والكشافه وفريق المدرسة و فاشل بالمدرسة بس بحاتي ما جبت فيها دور ثاني بالمدرسة او اعادة السنه

هذي المدرسة اسمها كان الملك سعود وهي احد اخطر المدراس في حفرالباطن في وقتها كان لي اصدقى كثيير بالمدرسة ومن اهمهم بادي البادي و فهد الحلو و فهد مبارك و محمد جربوع و حمود مسهوج ( الله يرحمه ) وطلال البادي وفيه كثيير بس المشكله ماني عارف من اذكر منهم على كثرهم 😀  الوكاد انها كانت ايام حلوهـ طبعاً حفر الباطن لها معزهـ خاصه عندي

6 تعليقات في “من الذاكرة , حفرالباطن ,, باريس حفرالباطن , عاصمة الربيع”

  1. يقول حفراوي:

    يازينها من ديره يآشخبوط ،، .. اجل دآرس ابتدائي ومتوسط بحفرالباطن ،، ماشاء الله

  2. خوش مدرســـه .. يا شخبوط

    وآلله يرحمك يآ حمود مسهوج .. ويسكنك فسيح جناته

  3. يقول مها:

    ما شاء الله عليك تذكر حفر القراده عمار بن ياسر هذي بحارتنا من شفت اسمها ودققت عرفتك يا ولد شفاقه ما شاء الله عليك كبرة وصرت رجال ههههههههههههههه والله يوفقك يا الجيزاني خخخخخخ

  4. يقول x-ray:

    احلا منطقه سكنتها في حياتي …
    يكفي اني من مواليد هذي المنطقه
    ودارسه فيها الابتدائيه كامله
    بس اتوقع انك ساكن في البلده لان المدينه العسكريه مختلفه المدارس حقتها كثير عن كذا
    صح على ولا خطاء
    إذا صح عليه فا الذاكره ممتازه وإذا كان خطاء اجل انته من الناس القديمه الي ساكنين المدينه من قبل ميلادي
    تحياتي لك دكتور شخبوووط

  5. بسئلك بدر هذي وين بالمحمديه ولا بالربوه ولا بالعزيزية

    صراحه حفر الباطن تجنن ويكفي انك كنت ساكن فيهاا

    تحياتي لك

  6. يقول عساف خلف العسآف العنزي:

    ذكريآت , ربي يرحمك يآ حـمود ويسكنك فسيح جنآته

    تغيرت الدنيآ يآبو شفآقة اللحين , مآفي شي بآقي ع حآله , تقبل مروري

    طبعآ لفتني وجود آسم مدرستي , عمآر بن يآسر

    آيآم حلوة

    ودي وآحترآمي