الفيسبوك تويتر انستقرام لينك دن يوتيوب قوقل بلس سناب شات    

هيئة الاتصالات و تخلف الحجب و ثغرة الحجب !

  • 31 مارس 2010
  • 7 تعليقات

يمكن يكون عنوان التدوينه شوي ماله داعي بس كتبته بالطريقة هذي وما ابي اغيره والسبب مواقع اباحية كثير تشتغل في السعودية على هذي الطريقه ولا تحجب ، و هيئة الاتصالات حاطين رجل على رجل ^_^ ، وما عندهم شغل الا حجب مواقع اقل من عاديه ولا يوجد فيها اي ماده من نوع “الفصاخه”

مدخل الهرجه : اليوم احد الاصدقاء عنده موقع خاص في العاب الفلاش تم حجبة من هيئة الاتصالات بدون سبب يذكر والمشكله هي ان الحجب بدون تدقيق وفي بعض الاحيان بالواسطه ، و المشكله الواسطه بالحجب ممكنه لكن بفك الحجب غير ممكن لانه من جهه ثانية وهي من مدينة الملك عبدالعزيز تقريباً

الاشكالية الي صايرة ان هيئة الاتصالات نظام الحجب عندهم ” نظام معاق او احول ” ولا له سيطره على حجب بعض المواقع بسبب ( يعني الي ما يبي موقعه ينحجب يركز لان كل النقاط الي بذكرها مجربها انا ^_^ ) وهي طبعاً الي اقصدها بانها ثغرات و حيل الحجب

1- السيرفرات السعودية : السيرفرات في السعودية المواقع الي عليها لا تمر على نظام فلترة الحجب طبعاً الي يبي عندهـ طريقتين يا ياخذ سيرفر من ناشر نت او ياخذ ستتيك اي بي و يحط موقعه ببيتهم و يتحدى الحجب 😀

2- تغيير البورت الخاص بالتصفح : طريقة تغيير البورة بالسيرفرات صايره مصيبه عند الهيئة وهي النقطه الوحيده الي منتبهين ” ولا يقدرون يسيطرون عليها ” و فيه مواقع كثير يغييرون بورت التصفح الى بورتات ثانية يعني مثل www.badr-s.com:1544 طبعاً لو موقعي محجوب وانا مغيير بورت التصفح الى 1544 راح يفحطون فتره عشان يقدرون يحجبونه مره ثاني ^_^

3- المجال الامن https : هذي من المشاكل الي تواجهه هيئة الاتصالات لان نظام الفلترة ما يحجب هذا المجال ” https ” واكبر المستفيدين منه هم المواقع الاباحية و المنتديات اصحاب الافكار المتنحه وداخله عرض على العالم ^_^

للعلم في اكثر من طريقة لـ فك الحجب عن موقعك بس تبي لها واحد متفضي والاخوان بالهيئة مثل ما يقول ابوي قليلين خطأ << عشان ما يحجبون موقعي 😀
والعذر على اخطائي الاملائية و الاسلوب السريع بالشرح لان عندي محاضرة بالكلية بعد 10 دقايق وانا جالس اكتب في مكتبة الجامعة ^_^ .