الفيسبوك تويتر انستقرام لينك دن يوتيوب قوقل بلس سناب شات    

شارع ( عنزة ) في ولاية سان فرانسيسكو [سالفة من الرخيص ^ _ ^ ]

  • 12 يونيو 2010
  • 13 تعليق

هذا الشارع , له قصة طويلة , وهي يوم كنت انا و الاخ فيصل سالم , في امريكا , و بالتحديد بولاية سان فرانسيسكو , اعجبنا هذا الشارع واسمة شارع عنزه , والي لفت انتباه فيصل صديقي , ان فيه على واحد من البيوت و بالتحديد البيت الي ورى لوحة الشارع فيه صميل ( الصميل الي يحطون فيه الحليب ) طبعاً بيت امريكان وش جاب الصميل , تقدم فيصل للبيت وسمع عجوز تغني , قصيدة معروفة للعجايز هي ( و بحجة الكاسات , مقدر يا غالي , امي و بوي بالبيت ) بهذي اللحضة , فيصل قام يصفق و تذكر ايام كان بالرياض ويغني مع العجوز , طبعاً العجوز استغربة وش بلاهـ هذا البدوي الامريكي المهبول يصفق بالشارع طبعاً تفكرنا امريكان , قربت عندنا العجوز و جلسة تسولف معنا و كانت لهجتها بدوية لكن باللغة الانجليزية و بالتحديد لغة الشوارع عندهم ( دليل ان العجوز حوامة ) , وقالت لفيصل , وش تسون هنا يا وليدي , فيصل خنقته العبرهـ لانه تذكر جارتهم بالنسيم , الي اسمها حمده وهي تشبة العجوز , و تذكر بنتها الي اسمها عيدهـ الي كان يحبها , وقصته معاها يوم حبو بعض بعد ما كانت البنت تستلكع عليه كل يوم و تكش عليه ( الكشة هي فتح اليدين و التوجيه على الوجهه بكليهم ) ما علينا تعرفنا على العجوز وطلعت هي حمده و حلفة علينا ما نمشي كود يجي راعي البيت , وكنا نفكره زوجها , لكن الي صدمنا ان راعي البيت هو صديقنا , هاني عودهـ , والملقب في امريكا بـ ابن سمدان , طبعاً العجوز البدوية الامريكيه تعرفة عليه يوم كان هاني يتمشى في شيكاغو , وهو يعتبر من اكبر عرابجة شيكاغو , وتذكرة ولدها الي توفى وانه يشبهه و قالت تعال ابيك تصير ولداً لي و راعي البيت و ابي ازوجك بنتي عيدهـ الي هي حبيبة فيصل الخبلة , و هاني تزوج عيدهـ وصار راعي البيت
طبعاً بعد ما قابلنا هاني , فيصل كان مقهور منه لانه يعرفة من ايام الرياض , لان هاني ساكن بالنسيم وفيه معرفه بينهم لان هاني وفيصل كلهم يجلسون في مقهى العسكر بالنسيم , وكان هاني متخصص بموضوع الـ كيلوجر ودايم يحاول يخترق ايميل فيصل , بس يخاف من اخوه الكبير لان كانو كلهم صغار بالسن و اخو فيصل ابو عبدالله عربجي , ومسوي زحمه عليهم بسيارته المورسيدس الي راحت تشليح اخر حياتها
لكن نعود لسالفتنا وهو بعد ما ذبح لنا هاني ذاك اليوم 6 دجاجات قلت ابي اصور الشارع كا صورة تذكارية خاصة ان فيه تقريباً 14 بيت عنزي

الزبدهـ هذي صور شارع عنزه الي في امريكا و بالتحديد في ولاية فرانسيسكو , وسالفة هاني و فيصل , مجرد نصب أليكتروني يعين لا تدققون عشان ما يجيني واحد يقولي يا السرود او النصاب لان سالفة عيده و فيصل وهاني والصميل كلها صواريخ , لكن الشارع ترى السالفة صحيح

http://www.badr-s.com/badr/enzaa-2.gif

http://www.badr-s.com/badr/enzaa-3.gif


13 تعليق في “شارع ( عنزة ) في ولاية سان فرانسيسكو [سالفة من الرخيص ^ _ ^ ]”

  1. يقول سلطان:

    بدر شفاقه او كما تحب ان نسيمك الشيخ ، بدر شفاقه شيخ قبيله الحناتيش في الرياض ..

    لإيكثر للعن أخرك < يحس انه رفع ل بدر شوي .. المهم القصه أعجبتني ولازم اعرضها .. على
    عامر الحمود عشان يعرضها / اما الشارع ، يلعن امه خقق .. عنزه اليـــــم أقسم بالله

    لازم نروح له يابدر تكفى خذني معاك موب تاخذنا ل جيزان وتضحك علينا
    sultannnnnnnnnnnnnnnnnnnnnnnnnnnnnnnnn

  2. يقول بدر شفاقة:

    هلا بك سلطان ,

    ان شاء الله السفرة الجايه ما راح اخذك لـجيزان , بعون الله لـ ديرة غيير 😀

  3. يقول الودعااني:

    ههههههههههههههه

    يلعن شكلك تراني صدقت القصصصصه هههههههههههه

    يانصصصصصصصصصصصصصاب

  4. يقول بدر شفاقة:

    هههههههههههههه
    وش عندك صدقت السالفة ,

    ياخي بهالحالة اعرف شي واحد يا الودعاني , انك طلعت سبيكه من جد 😀

  5. يقول asrar:

    يالبيييه ياعنزهـ ..

    صدق اسمه شارع عنزهـ وفي سان فرانسيسكو ؟؟

    موب راضيه تدخل مخي .. حاول تدخلهاا وبعدين دق علي خخخ

    يعني الجاليه العنزيه هناك مسوينه ولا اوبااماا امر بتسميته ولا وش القصه هههه

    برب اختباار .. ابجيب العيد الثالث بعد ماجبت عيدين السبت والاحد <~ لاحد يضحك يبتلى خخخ

    دعواتكم

  6. يقول محمد الوتيد:

    شيخ الحناتيش واكيه اقوال محمد الضبيب

    مبعد شارع عنزه الله يستر
    بكره مايطلع حي الوتيد في استراليا

    هههههههههههههههه

  7. يقول Saudi Dream ~:

    هههههههههههههههههههههههههه

    وتحصل شارع السريسح بميامي ^_^

  8. يقول عادلـ الفدعــــــاني:

    السلام عليكم يابدوووووووووري

    كيف حالك ابوووي

    بجد قصه مقصوصه علينا من قلب لان امريكا لو يدورن انه اسم اللوحه على قبيله عنزه

    تسان تنازل اوباما من حكمه وعطااه لابن ملحم ههههههه

    وانا شفتك الشيخه حمده هي وبنتها بصناعيه الشويخ بامريكا بقطعه 2
    يوردون الما من جليب خربت هدله الله يهداها هي وشوشتها هههههههههههه

    حبيبي قصه غريبه لكن لو كانت حقيقه من دون اللوحه كان بالزمن هذا لنا عرووق بسان فرانسيسكو وصرنا روووس العرب في دوله الغرب <<<متى ان شــاءالله <<لاحجت البقر على قرونها لووووووول <<اكره هالكلمه بس شسوي لزوم الشيخ يدري عن سواياي ههههه

    حبيبي بدووور

    فمان الله يالقلب يا العاااشق الولهان

  9. يقول salih:

    وش الشارع < يالبى الشارع والي سكن فيه 🙂

    < مدري يحسسسة انهم الي ساكنين الشارع هذا

    جحلط

    على العموم يعطيك العافيه ياخالي

  10. يقول [Ţśάħëļ Њāνęř ÅĻ:βäђęn:

    سارع عنزه وهو شارع التهاووويل هـــع

    الله يعــين سان فرانسيسكو على الازعاج والقلق

    من العنووز الجديدين
    المتعنزيز loool

    مرر : قـــوقـــي

  11. يقول رورو العنزي:

    يالبى العنوز كلهم ياناس والنعم يستاهلون موب بس شارع إلا أمريكا كلها خخخخخ وه بس

  12. نعم الكلام صحيح وعنزة مايحتاج قبيلة معروفة في جميع انحاء المعمورة

  13. يقول بندر الملحم:

    بعد السلام … عيدة رست على منهو هاني والا فيصل

    هههههههههههههههههههه

    والله حركات .. بس اتوقع ان عمدة الحي له عولآقه بالحناتيش

© جميع الحقوق محفوظة . - 2014 مدونة بدر شفاقة

www.badr-s.com