الفيسبوك تويتر انستقرام لينك دن يوتيوب قوقل بلس سناب شات    

لهن جعير في وسط ديار راعي البعير

  • 15 مارس 2013
  • 6 تعليقات

لهن جعير في وسط ديار راعي البعير هذا اسم كتاب راح افكر بتأليفه بعد كم سنه , راح تدور  محاوره عن البنات السعوديات الي وخاصة بنات جيل النيدو طبعاً السبب من التفكير بهالاسم بعد الي صار اليوم قدامي في معرض الكتاب في احد المنصات
وش الي صار
الي صار الله يطول اعماركم بعد توجهي لمنصة التوقيع عشان الصوره مثل ما ذكرتلكم سابقاً كان في زحمة كبيرة مكونه من بنات يبون الكاتب يوقع لهم و الهيئة مجتمعين بعد و انا واقف معهم بحكم اني من ضمن المنظمين و و اقترح عليهم ان يخلون احد يكتب الاهداءات على الكتب و الكاتب يوقع بس , لكن البنات يبون يكتب اسمائهم بعد و الغريب ان بعض البنات قامو يبكون
شلون البنات يبكون ؟؟؟
بوقت الزحمة صار اذان العشاء و الهيئة طلبوا من الكاتب ان يروح يصلي و هو كان اخلاقه حلوه بصراحه و تحرك لكن المصيبه اشوف البنات يبون يطلعون على المنصه و السيكيورتي يقول ممنوع و هم يترجونه يبعد عشان التصوير و بنت تقول للسيكيورتي انت غيران منه و ابعد السيكورتي و انا هنا اشتغل عندي الشيطان في مخي و وقفت بين الكاتب وبينهم و بعضهم اشوفهم يحركون جوالاتهم عشان يصورونه وانا اتعمد اصير مقابل هم , لكن ألصدمه بالنسبة لي هي , ان كثير بنات يبكووووون بشكل هستيري لانهم ما قدرو يوقعون و لا قدرو يصورونه بعد , جاني تأنيب ضمير + قهر على اهلهم و أهمالهم للأمانه , الله يستر على اعراض المسلمين , الحمد لله على نعمة العقل

ملاحظة .. المشهد تكرر عند كم كاتب و هذا دل على ان المحتوى غير مهم بقدر أهمية توقيع الكاتب عليه ( يعني مهو قرايه ,, شخصية فقط )

زيارة بدر بن عبدالمحسن لمعرض الكتاب

  • 11 مارس 2013
  • 4 تعليقات

صور لزيارة بدر بن عبدالمحسن لمعرض الرياض 2013 حصرية ^_^
من تصوير المبدع احمد الشهري من نادي فوتوغرافي الشرق الاوسط

قالت لي [ لك يومين تكبس بعيونك ] و ضاعت علومي ^_^

  • 10 مارس 2013
  • 3 تعليقات

ايوه وحدهـ قالت لي !!!! << مهو مستوعب 😀
تمهيد للسالفة
الي صار امممم , انا هالسنة في لجنة الاعلام الجديد و مسئول عن موقع معرض الرياض الدولي للكتاب و الحسابات الخاصه بالمعرض على ( تويتر ,فيس بوك , انستقرام , يوتيوب ) و معي قروب مكون من بعض المطانيخ او بمعنى [طيور شلوى] و طول يومي في المعرض من 10 الصباح الى 11 بالليل بين الصالات و حفلات التوقيع ( محسسيني انها حفله و هشك بشك ) و الاستراحه تكون بالمركز الاعلامي مع نخبة الاعلام السعودي ( متعوب على كلمة نخبه ) ما علينا من كل هالمدح و السوالف لكن وش سبب هالسالفة ؟؟؟؟

سبب السالفة  !!!
الي صار ان زوج امي الي هو ابوي شفاقة بن وتيد الحنتوشي العنزي يبي يسافر هالاسبوع لكم ديره حسب التسلسل ( جيزان ثم جده ثم اثيوبيا واحتمال يكمل الوجهه لـ اريتيرا ) و كلمني وانا بالمعرض يبي مجموعة من الكتب و خاصة بالمستشرقين و من ضمنهم الليدي آن بلنت و ربعها  من الي يلعبون بتاريخنا الي جالسين نشمي عليه و كتبهم تأكد المعلومات المغلوطه و حنا نتداولها  ,, مابي اطلع عن الموضوع وبقولكم بالضبط وش الي حصل ؟؟؟؟

وش الي حصل !!!
الي حصل وليته ما حصل , كنت ادور بعض دور النشر و مستعجل لان الكتب كثير بجمعها و احنا الساعه 10 و باقي اقل من ساعه على تقفيل المعرض و مركز على اللوحات حقت دور النشر و اتصلت على ابوي اقوله اسماء الكتب و مع اول دقه كانت بوسط الزحمه و حده تمشي و صار وجهي لوجهها و قالت لي انت لك يومين تكبس بعيونك وانا تعديتها بدون لا اهتم ولا التفت لان مخي كان مستهلك الكثير من الذاكره فيه وشغال من 9 الصباح بالاذاعة و بعدها بالمعرض طبعاً هي قالت هالكلام لاني عندي النظر صاير 4 من 6 , و اذا ابي اركز لازم اعطي زوم بعيوني , و دخلت مرحلة جديده هي عدم الاستيعاب و الفضول 🙁 !!!! والي زاد الطيب بله  ان بعد ما تعدتني البنت  شطفني و احد بالبداية كنت اضنه من الشباب صدقاي وقالي ( لا تحتك ) وهو معطيني ظهره وانا بدوري ما عندي حيله أني أعطيه زوم بعيوني  زياده ولا عرفته و راح للبنت , طبعاً نسيت ابوي و الاتصال و صارت حالتي حالة و صار عندي ارتداد عسكي على مخي بسبب الي صار !!!

وش الي صار بعدها ؟؟؟ ؟
بطلت سالفة اني اشتري كتب وذبحني الفضول و اللقافه من راعي كلمة لا تحتك  و من هالبنت الي تقولي  لك يومين تكبس بعيونك و اكتشفت انه كأنهم كأنهم كأنهم الوضع الي بينهم يسمونه مغازل بينهم والله اعلم 😀  . بعد ما شفتهم يمشون مع بعض و كأن فيهم شي عرفت ان العلاقه رومنسية و قامطين العافية بعدها توجهت لجناح وزارة الاعدام عفواً وزارة الاعلام و اول واحد اقابله هو ابو بسام مدير جناج الوزارة وأجلس اشكي له من النظر و اني تهزئه و هو يطقطق علي و اجلس اردد وانا طالع من المعرض
الحياة الكسيفة و العناء و الحسايف — خلت القلب يرجف غصب ما هو بكيفه
ألا و البنت وحبيبها الي قالي  ( لا تحتك ) طالعين و اشوفهم بس شكله خويريف لان شفته يشيل كراتين كتب و شكله يشتري و يعبي العربه لها و يطلع من جهه و هي من جهه و انا معي عبدالله العامر رافع ضغطي بالمعرض ^_^

نهايتها
عرفت اني ضايع و الله مضيعني , النظر عندي مش حالك و انا في عالم و الناس بعالم و البنت بصراحه احسها كشخه , لا ما احسها الا هي كشخه بصراحه , طبعاً ما ادري وين اختفت والله يستر عليها … وبناء عليه بخفف النظرات و امشي عدال الحيط على ما يقولونه اخواننا الي مدري منهم

شطحة بـ هاليوم 🙁
هاليوم السبت الموافق 27\4\1434هـ يعتبر اليوم اول يوم اتقدم فيه بإجازة من الدوام من 6 سنوات تقريباً و لا اعرف اكتب النموذج و مستثقله ^_^  ++ ما كل شي صار ينقال , و البنت حلوه 🙁

وانا سهران و بنام 🙂 Bay