999999999999999999999999999999

لهن جعير في وسط ديار راعي البعير

  • 15 مارس 2013
  • 6 تعليقات

لهن جعير في وسط ديار راعي البعير هذا اسم كتاب راح افكر بتأليفه بعد كم سنه , راح تدور  محاوره عن البنات السعوديات الي وخاصة بنات جيل النيدو طبعاً السبب من التفكير بهالاسم بعد الي صار اليوم قدامي في معرض الكتاب في احد المنصات
وش الي صار
الي صار الله يطول اعماركم بعد توجهي لمنصة التوقيع عشان الصوره مثل ما ذكرتلكم سابقاً كان في زحمة كبيرة مكونه من بنات يبون الكاتب يوقع لهم و الهيئة مجتمعين بعد و انا واقف معهم بحكم اني من ضمن المنظمين و و اقترح عليهم ان يخلون احد يكتب الاهداءات على الكتب و الكاتب يوقع بس , لكن البنات يبون يكتب اسمائهم بعد و الغريب ان بعض البنات قامو يبكون
شلون البنات يبكون ؟؟؟
بوقت الزحمة صار اذان العشاء و الهيئة طلبوا من الكاتب ان يروح يصلي و هو كان اخلاقه حلوه بصراحه و تحرك لكن المصيبه اشوف البنات يبون يطلعون على المنصه و السيكيورتي يقول ممنوع و هم يترجونه يبعد عشان التصوير و بنت تقول للسيكيورتي انت غيران منه و ابعد السيكورتي و انا هنا اشتغل عندي الشيطان في مخي و وقفت بين الكاتب وبينهم و بعضهم اشوفهم يحركون جوالاتهم عشان يصورونه وانا اتعمد اصير مقابل هم , لكن ألصدمه بالنسبة لي هي , ان كثير بنات يبكووووون بشكل هستيري لانهم ما قدرو يوقعون و لا قدرو يصورونه بعد , جاني تأنيب ضمير + قهر على اهلهم و أهمالهم للأمانه , الله يستر على اعراض المسلمين , الحمد لله على نعمة العقل

ملاحظة .. المشهد تكرر عند كم كاتب و هذا دل على ان المحتوى غير مهم بقدر أهمية توقيع الكاتب عليه ( يعني مهو قرايه ,, شخصية فقط )

6 التعليقات في “لهن جعير في وسط ديار راعي البعير”

  1. فعلا تقرير وصفي ١٠٠٪ وشيئ مخجل جدا ..
    وهذا دور الأعلام وفعايله ..

    موفق يارب وزدنا بمثل هذه التقارير الوصفيه

  2. مو لازم قال:

    من جد شي يفشل !! اشتري كتاب واطلعي كان قصدك ثقافة اما الحرص ع توقيع الكاتب بس تبي تكشخ فيه قدام صديقاتها وتصور وتحط بالانستقرام ههههه
    اتوقع لان المجال هنا انفتح لهن بمواجهة المشاهير .. ولو ينفتح المجال مع لاعبين او فنانين او حتى منشدي طيور الجنة بيسوون نفس الشي ..لاننا مجتمع نحب المظاهر ومع الخيل ياشقراء

  3. روح بنت قال:

    كنت هناك ,,, بنات فاضيات يبون بس التوقيع

  4. ابونواف قال:

    تقول الشيطان ابتدأ يشغل براسك والله يا بدر دايم الشياطين ما تعدى صلهجاتك مار سلوقي ابقع

  5. السلام عليكم ، اخ بدر وش اسم الكاتب الي يبن يصور معه البنات

  6. 3sm3a قال:

    بالله عليكم ماهذي العقول الخربانهه
    بالله عليكم ماهذي العقول التلفانه
    اللحين بينتفخ راسس الكاتب “(كُل هذي الجموع المؤنثة من اجل شخبطة قلم )” فتياتٌ مخفات !!