الفيسبوك تويتر انستقرام لينك دن يوتيوب قوقل بلس سناب شات    

الصوت يكفيني عن الشوف ^_^

  • 03 يوليو 2013
  • 1 تعليق

صناعة العدسات تعتبر من اقوى الصناعات الدقيقة في العالم و هي تعتبر اهم اختراعات البشرية , وتحسب (بعد فضل الله ) للشيخ ادولف فيك صاحب النظريات في علم الانتشار طبعاً الدولف اصلة من اشهر قبائل ألمانيا ، عيال حارتهم كانو يسمونه أبو شهاب لان شنباته مهي بعيده عنه لكن فرق بينهم ان أدولف فيك علمه له صولات و جولات , و ابو شهاب طلع خيطي بيطي و مثل حريمااااته ( على قولهم :D ) , ادولف فيك هو الي كان سبب في شوفي للعالم الخارجي خلال الشهر الماضي وتغيير نظرياتي في الشارع السعودي ( نظريات مهو نظارات )

البداية
كانت البداية في فندق الفورسيزن بعد ما لقيت بالصدفة البقره الي كانت تقولي بمعرض الكتاب ( لك يومين تكبس بعيونك ) انا شفتها و كنت طالع لإجتماع و حسيت اني ضايع و قلت واحد من أثنين , يا اسوي ليزك او أعتزل هالاماكن لان الوضع صار خيطي بيطي , اعمى و أسمي اشوف ^_^
ثاني يوم
كنت في الملتقى السعودي الدولي للمنشآت الصغيرة والمتوسطة ( الي يسونه بعض الجهات الحكومية و الخاصة عشان يسوون نفسهم يدعمون مشاريع الشباب وهي سوالف بس و فلوس تكاليف هالملتقى ضمن مصروفات هالوزارات ) نرجع لسالفتنا كنت اذا بتكلم مع احد لازم أكبس بعيوني عشان اشوف وجه الي قدامي ( التكبيس هو رفع الخشم للاعلى و أنزال الجبهه للاسفل ) وكانت حالتي كذا طول وقتي ( لا تجرب تكبس ) , و في نهاية الملتقى أخذني واحد من اصدقاي و أجبرني ألبس نظارات و تم هالشي بمساعدة الدكتور و انا و العدسات مطارح عشان البسها ولا هي راضية من كبر عيوني ^_^ و بعد لبسها كانت المفاجئة ……….
وش هي المفاجئة ؟
كانت الي عرفته أني بعالم ثاني , شي جديد , ابداع في كل شي بالرياض , لوحة سنتربويت من اكثر الاشياء الي شدني فكرتها , و لوحات في طريق العليا العام أول مره اشوفها , و ذاك اليوم نايم الفجر بسبب الهوايل الي شفتها ,
وش الي شفته ؟
كان اول اشياء اشوفها بالتحلية السيارات و مناظر البشر الي مدري شلون جايه اشكالهم , وخاصة فئة الكدش ( البنات المتوحشات ) وكانت أهم جولة لي في ممشى الروضه وكانت من اكثر الاشياء الي تشدني فيه , مجموعات شباب كانهم طالعين من عرس و بنات أردى منهم بكثير و اكثر شي صدمني النقاب ^_^ لاني اعرفه ستر قبل العدسات
والنقاب ( هو الغطاء لوجه البنت الي يطلع عيونها ) ما كنت اتوقعه فتنه هالشي , ولا توقعته بهالطريقة , كنت اشوفه ستر و طلع فتنه وخاصة انه يطلع احلى شي بالبنت عيونها لاني اشوف الرموش وكنت ادلخ بشكل كبير و انا بالممشى , و بسبب تغييرة نظرياتي و توجهاتي الحنتوشية و الليبرالية ( الليبرالية عشان الي يتهمني يصدق نفسه ^_^ )

زبدة الكلام :: أنصحكم بالعدسات تراها زينه ^_^ و أشكر أدولف فيك :D و اهدية كلمات الصوت يكفيني عن الشوف

تعليق واحد في “الصوت يكفيني عن الشوف ^_^”

  1. اول الموضوع معلومات قيمة و باقي الموضوع فكاهة في الصميم -بس مقالة في غاية الابداع