تجربة سينمائيه فاشلة

  • 26 أبريل 2014
  • 3 تعليقات

البداية كانت بعد محاولة لتغيير الروتين مع زملائي الشيبان في استراحة ( الحناتيش) وهي بسبب دخول عضو جديد “مستجد” فيها وهو سميي بعد “بدر معوش” و قبل ان امارس معهم على بدر ما كان يمارسونه معي كم سنه وهو يتلخص بالمثل الشهير ” صغير القوم خادمهم ”
كسر الروتين كان معروض في قناة mbc2 دعاية عن فلم و يقولون ان الفلم الي بيعرض بعد شوي سبايدر مان (الي مثل العنكبوت) ومبيعاته عالمية ومدح كبير انا بدوري كان هالكلام سلاح تشويقي للشيبان بالاستراحة و قلتلهم وانا انصب (يا شباب هالفلم اول عرض له بالعالم الان) و كان مكاني بوسط المجلس قريب للشاشه لاني اعمى ونظري ٤/٦ و مباشرة بعد كلامي انا مجهز نفسي وماخذ وضعية الانسداح . اول توبيخ و شتايم جتني عيب تعطي الرجال ظهرك من احد الشيبان وهو ابو الوليد لكن كان دخول العضو المستجد هدف ( بعد ما صدقني انه اول عرض بالعالم ^_^ ) وطلبني ان يجلس يميني عشان يشوف وهو ما يزيد التواجد الشبابي في مجلس الشيبان ..
بداية الفلم كان تركيزهم على هالفلم والشي الجديد اني بسوي سينما ^_^ و تم اطفاء الانوار ( لغة عربيه صح ) :d الزبده بعد ما طفينا الضوء كانت المفاجئة ان الي يهزئني استرجع الماضي و انسدح مقابل التلفزيون واعجبته فكرة ان فيه سينما ( كذب الكذبه و صدقها )
بعد الاندماج و الحميمية في دخول ثقافة السينما بالاستراحه و قبل اطلب للشيبان المتبطحين بيره شعير ^_^ كانت الصدمة الغير متوقعة


٢٠١٤٠٤٢٧-٢٠٥٩٣٤.jpg

طفى الكهرب وعلى غير العادة وقف الجميع عشان يشغلون طبلون الكهرب و كانت مبادرة ابواسيل هي الاولى باعادة التشغيل وقال لا تتحركون انا اشغله الحين ( عشان ما ياخذ مكانه احد ) خاصة ان مخه تبرمج على شي جديد ^_^
لكن رجع وهو يطئطء رأسه ( شرايكم بهالمصطلح الجديد الي معرف اكتبه *_^ ) يقول مافي سينما وهذي عمايلك يا بدر والله عاقبنا اطلعوا شوفو الطبلون مولع نار وابعدوا سياراتكم ^_^

طلعنا للطبلون الاغبر و نارة شغاله ( شغاله ولا خدامه ) الزبدة كانت النار كبيره و تخف بشكل بطيء وانا بدوري كا مواطن صالح اتصلت على الدفاع المدني وكان تجاوبهم سريع جداً لكن وصلهم بهالوقت بدون فائدة لان طبلون الكهرباء ( الطبلون هو العداد حق الكهرب ) والشباب تجمعوا قدام الاستراحة يكملون سهرتهم على الرصيف … وسينما الشر و الشرير

٢٠١٤٠٤٢٧-٢١٠٧١٠.jpg

الحكمة من هالسالفة

( الدنيا وناسة … واستانس بكيفك )

^_^

3 التعليقات في “تجربة سينمائيه فاشلة”

  1. مدونة او كما تسميها شخابيط
    انا اشوف إن أسلوبها قصصي ويشد الواحد لين يخلص قرايتها
    موب شخابيط:)
    خطاكم السوء

  2. انت شخص كتير موهوب و مدونتك اكثر من رائعة

  3. منور حبيب قلبي بدر انت شخص يستاهل كل خير والله يوفقك ويرزقك بنت الحلال ترجك رج وليش مصورني وانا لابس البدله كني ياباني ههههههه الله برجك