فوبيا … بعد انفجار شاحنة الغاز بالرياض

• 01 مارس 2013
• 1 تعليق

تاريخ 16 ذو الحجة هو على ما يقولونه عمر جديد لي و من ايامة وانا أعاني من فوبيا من التجمعات بسبب أنفجار شاحنة الغاز بالرياض و لحظة خوف الى الان ما أقدر ابعد عنها , طبعاً كأني دجاجه بس على نفسي ^_^ , لان الي صار بالنسبة لي كل ما اذكر تفاصيله أتحمد الله ان لقافتي ذاك اليوم كانت مهي موجوده و مالي نفس انزل من السياره وكانت سبب بعد مشيئة الله بعمر جديد لي الى درجة ان في مكتبي الخاص  ( التجاري الغير حكومي ) بجواره مطعم أتوقع انفجار الاسطوانه بشكل دائم من ما أجبرني بتعديل أماكن المكاتب الداخلية ^_^ , يعني شبه مهلوس بشكل كبير

بداية السالفة
كنت يومها في استراحة خلف حي النظيم و افر بالشوارع من باب الفضاوه الزايده , والي حصل كان دخان اسفل كبري المعيزيلة و انا بعيد عنه مسافه و اقرب له بشكل بطيئ و كنت وقتها اكلم رامي التميمي اناقشه بمشروع تقني و اشاوره بالشعار و المشروع فيه محتوى غنائي ( كنسلته بشكل نهائي ) و من لقافتي قلت له اصبر بكتب تغريده عن الدخان الي تحت الكبري  وكان ودي انزل وكانت زحمة اسفل الكبري والشاحنات مقفله الطريق , لان اصحابها ينزلون و يهربون بكل اتجاهـ وانا على وجهي بنزل  بس منعني طريقة نزول اصحاب الشاحنات و قدامهم اصحاب سيارات ناشبه بين الحريق وبينهم , والي منعني بعد هو  من باب الحياء مابي اسحب على رامي وكنت بخربها لكن قلت خلني أكتب تغريده عن الحريق ( دخان ابيض وقتها ) ,و بعد ضغطي لزر نشر باقل من 20 ثانية تحول الدخان الابيض وما حوله الى كتله من النار ( مثل الي نشوفها بالافلام الامريكيه بأفلام أختفاء العالم حقتهم  ^_^ ) وكنت ماني مستوعب الي حصل و كتبت وراها تغريده انه تحول الى حريق لكن مع ضغطي لزر ارسال , انقطع الارسال و طاح الجوال من يدي و رجعت اتصل فيه و اضحك و اقوله انفجر شفته ( اسأله من الفهاوه ) وكنت اشوف اصحاب الشاحنات و السيارات يتركونها و يركضون بأتجاهـ أستاذ الملك فهد اقرب منطقة أمان , وانا من مكاني اردد المقوله ( الهروب ثلثين الشجاعه ) مع اني بكل حادث لازم اوقف مهما كان , بس يومها منظر الحريق من هوله خلاني ما ابعد عن البيت 3 ايام , و بعد مروري على مكان الانفجار شعوري شعور شخص له يد بالانفجار ,,,,,, كانت حصيلة الانفجار ضخمه وتقرر بعد اقل من أسبوع العمل على البدء بأزالة الكبري بسبب عدم صلاحيته للعمل , و بالنسبة لي اقول ازالته نعمه لأنهاء ذكرى مرعبه لمن كتب الله له عمر جديد

مكان وقوفي لحظة الانفجار

تخطيط جوي لموقع الانفجار و يبين أتجاهـ الهواء

تحت الصيانة , مخي هالايام :)

• 21 فبراير 2013
• 2 تعليقان

في هذه الايام التعيسه بالنسبة لي , وهي ايام اعاني فيها من قل النوم , و الزهايمر المفاجئ لي , تم اصدار قرار بيني و بين المخ و المخيخي في خلايا مخي المستمخه , اني ارجع للتدوين و البرمجه و الهذر في مجال التكنلوجيا و شروحات النصب الاليكتروني و الوضع العربي و الفلسفه في مجال الفكر , و اصير مثل بعض الناس متخصص في مجال التكفير الصناعي , فا قررت اني اعيد تشكيل هالمدونه والي تعتبر المدونه الثانية بعد حذفي لمدونتي الاولى الي كانت بالفتره من 2004 الى 2007 قبل لا تطيب النفس منها و احذفها بشكل نهائي بسبب مشاكل من وراها ومن المطروح فيها ,, التعديلات الجديدة وهي اعادة تقسيم للمدونه بحيث راح تضم اكثر من تصنيف وهي

جوال الكولا , أختراع شخص مصرقع :)

• 27 يناير 2013
• 1 تعليق

جوال الكولا من اسمه رايق بعض الشيء ,فكرة الجوال هو انه يعيد شحن البطارية من خلال الكربوهيدرات الموجودهـ في الببسي و الكوكاكولا , اتوقعها عالية في ( السي كول ) لانه حالي زياده, مشروع جيد , و يعتبر فكره استعراضيه مستحيل ان يتم تسويقها الا