الفيسبوك تويتر انستقرام لينك دن يوتيوب قوقل بلس سناب شات    

اساسيات ادارى السيرفر -الشرح الاول

  • 26 يوليو 2009
  • 2 تعليقان

بسم الله الرحمن الرحيم , هذا شرح لـ اساسيات ادارة السيرفرات ويمكن مقدمه بسيطه , او بمعنى اصح شرح سريع بحكم ان البدوي الي جالس يكتب الموضوع مرضان له كم يوم والصخونه ماسكه خفارهـ على راسه كل 6 ساعات ترجع له 🙁  فا عاد قلت خلني اكتب شي فيه فايدهـ لان بعض الاخوان يكون الموضوع عندهم فيه خربطه بالنقاط هذي , كان ودي الشرح للاساسيات فيه صور عشان الفايدهـ لكن انا بالدوام بوزارة الاعلام والاتصال مقفل كل البورتات يعني لو تأذن انجليزي ما تستفيد شي
بالبدايه نعرف كيف طريقة الدخول بالشيل زي الصورهـ هذي

طبعاً الي موجود بالصورهـ يطلب عنوان الاي بي او الهوست يعني حط اي شي يكون متصل بالسيرفر ( صاب دومين , دومين , اي بي ) اهم شي يكون له اتصال بالسيرفر وبالنسبه للبورت لازم يكون عندك رقم البورت ومن العادهـ اقلب السيرفرات يكون رقم البورت 22 وبعضهم يسوون فيها فلسفة عيال العجايز ويغيرون البورت الى 2222 ليه مدري مع العلم ان اغلب الهكرجيه على قولة يونس حافظ 😀  يستخدمون اختراف الاجهزهـ ويمكن صدق تغيير البورت يكون كويس من باب الحمايه من الهكر الكبار 😀 طبعاً بعد ما ترعص على اوبن راح يفتح معك شاشه الشل يطلب منك اليوزر نيم و الباسورد ودخلهم عادي
وفيه ملاحظه لمتسخدمين اللينكس هي انهم ما يحتاجون تنزيل برنامج البيوتي او اي برنامج اتصال بالسيرفر لان افضل شي كتابة الامر هذا بالمحطه الطرفيه باللينكس
ssh root@123.123.123
وبعدها انتر طبعاً اذا كان البورت عادي مهو متغيير يعني البورت 22 اما اذا كان البورت متغيير مثلاً 4045 ينكتب الامر التالي
ssh root@123.123.123 -p4045
ملاحظة ترى 123.123.123 هذا رقم الاي بي حق الموقع وتقدر تحط رابط الموقع بدال الاي بي مهو واحد يقعد يناشب السيرفر وش بلاهـ ما يفتح وهو يكتب الامر هذا 😀
نجي لاومر مهمه وانت داخل الشيل
او عملية
امر الاستعلام عن دومين يعني بدل لا تروح لاي موقع وتسوي فحص للدومين وتبي تعرف الدي ان اس وهل هو محجوز او لا ندخل على الشيل او على المحطه الطرفيه اذا كان جهازك لينكس ونكتب
whois badr-s.com
طبعاً راح يعطينا معلومات الدومين كامله طبعاً مثل ما قلت مستخدمين الويندز من داخل الشيل يكتبون الامر واللينكس من المحطه الطرفيه لان الويندز لمى ينفذون الامر راح يتم من خلال سيرفر لينكس 😀 فديته والله << وش رايكم فيه نوع من الهياط 😀 مسوي ولد دلع
العملية الثانية
الامر الثاني جاك واحد يبي بكب لموقعه وش تسوي ؟؟؟
اذا تبي تاخذ بكب لموقع اليوزر نيم حقه مثلاً badr تكتب هذا الامر
/scripts/pkgacct badr
بعد ما نكتب الامر نكتب
cd /home عشان ندخل على مجلد الهوم وراح نلقاهـ موجود داخل باسم
cpmove-badr.tar.gz الحين نبي ننقله البكب لمجلد الموقع الاساسي وش نسوي ؟؟
نكتب الامر التالي عشان ينقل البكب من مجلد الهوم الى مجلد الموقع الاساسي الي هو www او البوبلك هوتمل طبعاً الامر بالبدايه mv لنقله و cp لنسخه ولصقه يعني يضل موجود بالهوم بعد
mv cpmove-badr.tar.gz /home/badr/www/cpmove-badr.tar.gz
بالامر هذا راح يتحول البكب بموقعه بس لازم يعطيه تصريح 644 لان راح ياخذ تصريح ما ينقل فيه ولا ينسحب طبعاً طريقة عمل التصريح له من خلال الشل تكتب الامر هذا اسرع لك افضل من تدخل للمجلدات عشان توصل للبكب يعني تضربه من بعيد 😀
chmod 644 /home/badr/www/cpmove-badr.tar.gz

العملية الثالثه
عندك واحد يبي ينقل موقعه عليك وش تسوي ؟؟
خذ رابط البكب حقه وادخل على الشل وادخل بمجلد الهوم عندك واكتب الامر هذا wget وراهـ رابط البكب الي عطاك اياهـ طبعاً الامر هذا امر السحب يعني لو فيه ملف كبير تبي تسحبه لموقعك تقدر تستخدم هذا الامر مثلاً
wget http://www.badr-s.com/cpmove-badr.tar.gz
طبعاً بعد سحبه وش تسوي يا تختور ؟ شف تروح تكتب الامر هذا وهو يسوي المساحه وقواعد البيانات وكل شي وكانك مرجع بكب لموقع بالسيرفر بس لازم تعرف اليوزر نيم حق الموقع قبل كل شي واحنا عارفينه بالمثال انه badr ولازم ما تكون مسوي مساحه للموقع على السيرفر عندك
/scripts/restorepkg badr

هذي بعض الاساسيات كتبتها وانا متكي بالدوام من الفضاوهـ وان شاء الله فيه بعدها كم جزء << وش عندهـ فلم صاير 😀

شرح تفعيل السيف مود بالسيرفر ( مهم جداً )

  • 23 سبتمبر 2008
  • 1 تعليق

طبعاً السيف مود هذا مشكله شوي لان من خلاله المخترقين للسيرفرات اذا كان معطل ( يعني الحاله اوف ) يقدر المخترق يشوف ملفات موقعك كامله
وشرح بسيط للعمليه
يجي الهكر ( بعد ما يشرب رد بول ) يرفع ملف من نوع phpsheel وهي كثيرهـ مرهـ وكل يوم ملف جديد طالع لنا
طبعاً يرفعه بأحد الطرق انه يكتشف ثغرهـ بموقع على السيرفر او يخترق جهاز صاحب موقع او من خلال مركز رفع على موقع من المواقع الموجودهـ على السيرفر ( ادري اتكلم واجد بس

اعذروني من الفضاوهـ )
ندخل بالمفيد

بالبدايه ندخل على السيرفر من خلال برنامج الشيل ( رابط لتحميل البرنامج )

بعد ما ندخل على السيرفر من خلال الشيل
نكتب الامر هذا عشان نعرف حالة السيف مود

مثل ما شفنا حالة السيف مود اوف راح نغييرهـ من خلال الامر

نكتب الامر


وهذا الامر نغيير السيف مود الخاص بالسيرفر

نبحث عن safe_mode
نغييرها الى ON مثل الموجود بالصورهـ

ونضغط على ctrl+X ورايح يجينا خيارين Y أو N نضغط على Y


وبكذا نبي نشوف وش صار بالسيف مود هل تفعل ولا لا نرجع نكتب الامر

راح نلقى
safe_mode = on

طبعاً نكتب بالاخير exit عشان نقفل الشيل
وبكذا مفعل السيف مود بالسيرفر وانتهينا من احد اهم نقاط حماية السيرفر