السروال الاخضر في اليوم الاغبر

• 03 مايو 2013
• 3 تعليقات

عذراً على العنوان الشاطح شوي بس لا تدققون ,, البناطيل ) هذا الموضوع أثير في جايتكس الماضي ايام كنت منتدب لمدينة دبي , و كان معي 2 من زملاء العمل وكان لبسي بشكل دائم الزي السعودي الرسمي ( الثوب و الشماغ و العقال ) وكان احد الشباب يعايرني يقول انت ( سيفين و نخله ^_^ ) و كان عادي حتى كبر النقاش الثاني لمى قلتله الفانيلة الي لابسها حفله ورد علي ( شعرفك يالبدوي باللبس ) وهذا هو اللبس الرسمي انا هنا بديت ارجع كل معلومه من مخي مستعين بالمخيخ وكان ردي له ( هذا اللبس وصل العرب بعد الاستعمار الفرنسي ) لكن انتم مع الخيل يا شقرا و استشهدت له بـ بالباكستانين و الهنود و غيرهم الي يحافضون على الزي الرسمي لـ بلدانهم ولا ذبحهم التقليد الاعمى و أعوجاج الافكار ( اهم شي أعوجاج الافكار 😀 )

موضوع يجر موضوع
طبعاً حتى ولع النقاش بيني انا البدوي و بينهم حسب و صفهم لي 🙁 واني خايف البس بناطيل عشان محد يقولي لبس بنات ^_^

البناطيل لبس العمال بالغرب قديماً
زاد النقاش بيننا و ذكرت لهم مشهد تلفزيوني ايام كنت ساكن في حفرالباطن و انا منسدح قدام التلفزيون و فيه فلم على قناة mbc وكان بطل الفلم يسأل البطلة ( وش بلاك لابسه سروال بالشارع ( يقصد البنطلون ) ) لان كانوا يلبسون تنانير (جمع تنورة 😀 )وهذا يدل على أنه كان من الغريب و شبه ممنوع قانونياً ان الحريم يلبسون بناطيل

متى بدوا يلبسون الاجنبيات
مع بداية الحرب العالمية الاولى في عام 1920 بداء النساء لبس البناطيل لكن بشكل محدود في ( المناجم و غيرها ) من الاماكن الي الشغل فيها يحتاج حركه وكان اللبس أسفل التنوره ( ترا ماسكه على التنوره لان ما اعرف اسمها ) يلبسون بناطيل وغيرهم ممنوع و فيه سجن ببو زعبل عندهم
قانونياً في اوربا
لو رجعنا لبعض القوانين في اوربا على سبيل المثال بالقانون الفرنسي كان ممنوعا على النساء ارتداء البناطيل في الأماكن العمومية، ولكن هذا القانون ألغي في 31 يناير عام 2013 و فيه امريكا بعد

و عندنا .؟
عندنا في بعض المدن من الغريب و التخلف على النساء لبس العبايه و تحتها ثوب او تنورة اذا كانت رايحه للسوق و المفترض و الاكثر حضاره والي يسمونه ( كاجول ) هو البنطلون حسب وجهة نظرهم

و الله يستر على المسلمين و المسلمات

تطبيق للتدوين من خلال الاي باد او الاي فون

• 04 مايو 2012
• 0 تعليق

بعد بعض العناء والغثاء مع نظام المدونات المستخدم في مدونتي من نوع ( وردبرس) ولان  طول وقتي ادور برنامج يسمح برفع الصور من الاي باد او الاي فون لان الصور اساس التدوين وهي سبب انقطاعي عن المدونه لان مافي وقت افضى لها فيه لكن اليوم لقيت هذا البرنامج في متجر برامج ابل يسمح لاستخدامه مع مدونات الورد برس المجانية و المدونات الخاصه ( الي تكون مدونات خاصه مثل مدونتي العزيزه 🙂 )

رابط التطبيق ارعص هنا 🙂

طبعاً فيه نسخ للاندرويد , لهل الجلكسي و للبلاك بيري حق البزران ( والله امزح ^_^ )

استراحة للتفكير

• 18 أبريل 2010
• 4 تعليقات

اليوم قررت اني ابعد شوي عن الانترنت كــا فترة نقاها و سياحة لمدة اسبوع من اليوم الاحد الموافق 4 – 5 – 1431 الى 9 – 5 – 1431 يعني تقريباً 5 ايام بالضبط ابي اتمشى فيها بالسعودية شوي 😀 كنت ابي استغل الفترة هذي بزيادة مهاراتي في لغة الـ php لان مبعد عنها شوي بسبب عدم وجود فكرة لكي يتم البدء في تطبيقها بهذه اللغه لكن ان شاء الله راح اتفرغ لها ساعه يومياً ان شاء الله بعد انتهاء الاجازه مع اني عارف ان ما راح اسوي شي ,, دام من كثر الشغل اطفي الجهاز و اروح اتابع سبيس تون 😀 فا كيف راح استمر بالبرمجة بهذه اللغه وانا ما عندي وقت ,,
الي يميز السفره مثل كل سفرة اني راح اسافر الى جيزان وهي تبعد بالضبط من بيتنا بالرياض الى مزرعتنا في جيزان تقريباً 1335 كيلو واغلب الوقت يكون بالتفكير و مراجعة حساباتي , يعني يمكن اعتزل الانترنت بسبب السفرة هذي 😀
و زبدة الكلام ,,, باي يا انترنت لمدة اسبوع 🙁