الفيسبوك تويتر انستقرام لينك دن يوتيوب قوقل بلس سناب شات    

من القراده ” بعد التعب و المذاكره أخذ حرمان من المادة “

  • 02 يونيو 2010
  • 10 تعليقات

المقرود مقرود , لي تقريباً اكثر من 9 سنوات اخر مره ذاكرة و قبل يومين قررت اني اذاكر بسبب ان الانترنت انفصل عندي بالبيت و من زود الكشخة و الوناسة مصور الكتاب افكر نفسي راح اصير من الدوافير ( الدوافير يعني الشاطرين و الي وهم نايمين يجيبون مدرسين خصوصي ) الزبدة ان بعد ما ذاكرة مادة ( مبادئ إدارة الأعمال ) الي حملتها بالكلية 3 مرات بسبب عدم احترامي لمواعيد المحاظرات و بالاخير يعطوني حرمان , طلعت للاختبار يوم السبت و متفرغ بشكل كلي للاختبار دخلة الاختبار و انتهيت منه خلال اقل من 15 دقيقة أستأذنة من الدكتور وقالي لا تتاخر لان بعد الاختبار بساعه فيه محاظرة واذا تأخرت راح يرحمني لان عندي حرمان وهو معطيني اخر مهله يوم الاختبار عشان يسنى الي فات كله ,,, رجعت بعد الاختبار وشفت ان فيه شباب بالقاعه و افكرهم يختبرون قلت خلنا ننتضر وبعد طول انتضار من اللقافة قلت خلني اوري الدكتور خشتي اني مهتم , فتحت الباب وانا كلي ثقه و مبتسم ابتسامة الشطار , الدكتور ناظر لي بحقد و قالي توكل على الله و حلف انه راح يحرمني من الماده ( انا ضحكة بوجهه من زود الفهاوه ) وارتفع ضغطه زيادة و طلعت من المحاظرة وانا احس اني جبت العيد لان اكتشفت ان المحاظرة بادية وانا برى و الدكتور هذا ما يقبل تأخير دقيقة , الزبدهـ انها اول مره اذاكر من 9 سنين يمكن ودامها على كذا بلا مذاكره بلا هم , والله يستر من حرمان المادة