طالق يا الويندوز بالخميسن ,, ويا هلا بالينكس

قبل يومين صار معي موقف مدري وش يبي بصراحه الموقف كان صدمه لي وصدمه كبييرهـ وهي وانا طالع من الكليه بعد اختبار انجليزي من زود الشطارهـ فيه كنت ابي أأذن أنجليزي 😀

الي صار هو شبه فلم طبعاً جاني بالبدايه اتصال من واحد من عيال خالي

الجوال يدق ,, درن درن << ههههههه وش عندهـ فلم ؟

انا اشوف الجوال والاخلاق خربانه من الاختبار بس من غلاته عندي ارد << ارفع له اتوقعه يقرى الي كاتبه

أنا : ألو هلا وغلا بخالي

هو : هلا خالي ايميلك ×××××× رقمك السري ****** <<< وانا ماني مصدق حالي على السالفه هذي

أنا : ههههههههههههه اما عاد <<< انا منقهر بس ارقع بالضحك وهذا يعتبر هروب من المشكله ومثل ما يقول المثل الهروب ثلثين الشجاعة 😀

هو : والله يا خالي هذا الي صار ترى فيه جهاز من اجهزتك مخترق وانتبه وهذا رقمك السري<<< انا باللحضه هذي صرت دلخ من قلب

أنا : يا ويلي ويلاهـ الايميل عليه فوق الـ ١٦٠ دومين بس بسيطه دامها صارت على كذا هانت

وبعدها قفلت الجوال ولا فيه احد بعيني غير المهندس بندر الشايع لان عندهـ توزيعات لينكس كلها وهو خبير هاردوير وسوفت وير <<< يرفع للرجال 😀

الجوال يدق ,, درن درن درن

أنا : هاي < طبعاً بالانجليزي

بندر : هاي بدر

أنا : يو هاف كوبي لينكس اوبنتو << طبعاً مسوي اعرف انجليزي

بندر : اخلص يا حبيبي مرني وابشر بكل النسخ

طبعاً رحت له وغيرة نظام التشغيل عندي من ويندوز الى لينكس فيدورا بواجهة كيدي صحيح انها شوي غبيه ولاني متعود لها لاني كنت استخدم نسخة اوبنتو بواجهة جنو وكانت تعتبر أقل ما يقال عنها أبداع

المصيبه بالموضوع ان موزع الرياض لنسخة ابنتو المعتمد طلع واحد من اقرب الناس لي بس الله يسامحه ما علمني 😀