• Twitter
  • Facebook
  • Instagram
  • YouTube
  • YouTube
مدونة بدر شفاقة علومي وسوالفي الخاصه :)
  • الرئيسية

  • صوري :)

  • راسلني

  • عــ نّ ــي !

علومي وسوالفي الخاصه :)

  • الرئيسية

  • صوري :)

  • راسلني

  • عــ نّ ــي !

02/06/2010 | 10 تعليقات

من القراده ” بعد التعب و المذاكره أخذ حرمان من المادة “

من القراده ” بعد التعب و المذاكره أخذ حرمان من المادة “

المقرود مقرود , لي تقريباً اكثر من 9 سنوات اخر مره ذاكرة و قبل يومين قررت اني اذاكر بسبب ان الانترنت انفصل عندي بالبيت و من زود الكشخة و الوناسة مصور الكتاب افكر نفسي راح اصير من الدوافير ( الدوافير يعني الشاطرين و الي وهم نايمين يجيبون مدرسين خصوصي ) الزبدة ان بعد ما ذاكرة مادة ( مبادئ إدارة الأعمال ) الي حملتها بالكلية 3 مرات بسبب عدم احترامي لمواعيد المحاظرات و بالاخير يعطوني حرمان , طلعت للاختبار يوم السبت و متفرغ بشكل كلي للاختبار دخلة الاختبار و انتهيت منه خلال اقل من 15 دقيقة أستأذنة من الدكتور وقالي لا تتاخر لان بعد الاختبار بساعه فيه محاظرة واذا تأخرت راح يرحمني لان عندي حرمان وهو معطيني اخر مهله يوم الاختبار عشان يسنى الي فات كله ,,, رجعت بعد الاختبار وشفت ان فيه شباب بالقاعه و افكرهم يختبرون قلت خلنا ننتضر وبعد طول انتضار من اللقافة قلت خلني اوري الدكتور خشتي اني مهتم , فتحت الباب وانا كلي ثقه و مبتسم ابتسامة الشطار , الدكتور ناظر لي بحقد و قالي توكل على الله و حلف انه راح يحرمني من الماده ( انا ضحكة بوجهه من زود الفهاوه ) وارتفع ضغطه زيادة و طلعت من المحاظرة وانا احس اني جبت العيد لان اكتشفت ان المحاظرة بادية وانا برى و الدكتور هذا ما يقبل تأخير دقيقة , الزبدهـ انها اول مره اذاكر من 9 سنين يمكن ودامها على كذا بلا مذاكره بلا هم , والله يستر من حرمان المادة

ادارة الاعمال المصرفيةالدكتور العمريمبادئ ادارة الاعمالمهارات الاتصال

التعليقات 10

  1. نادر
    نادر بتاريخ 2010/06/03 - 12:00 ص

    والله كفو يابو شفاقة .. جبت العيد عيدين .. ههههههههه

  2. هاني
    هاني بتاريخ 2010/06/03 - 8:29 م

    اولاً السلام علكيم .. ثانيا ُ بقولك شي يمكن انت مفهي طول عمرك بامور حياتك .. بس ترا الدراسه تبي واحد يذاكر .. واذا قدرت تنجح في وحدة , او اعند دكتور تراك ماتقدر تنجح بالثانية ..

    ماهي شجاعه انك تقول ماذاكرت ودخلت الاختبار تتوقع ان الاختبار بيجي من الي في مخك الحلو

    اقل اقل شي احضر المحاضرات يادرج … بس عموما … شكلك تستخدم نضام .. تمتع الي مالا نهاية وكن مع الناس مستانس ,,,

    يقول الشاعر , قم للمعلم وفه التبجيلا ,, كاد المعلم ان يكون رسول

    ما اجمل الرياض , وما اجمل المدرسين

    , بقولك قصه صارت لي يو كنت ادرس , ,

    جيت مره متحمس للمحاضرة قبل وقتها تقريبا بخمس دقائق , وقلت شكلي متاخر وجلس اتراعد عشان بعد وضعي كان مزري شوي , المهم دخلت علي الدكتور بنهاية المحاضرة , اول مادخلت قالي انت ليش تجي متاخر وطردني ,, يوم طلعت ووقفت عند الباب لحضت ان المحاضرة هاذي ماهي محاضرتنا لنفس الدكتور والي بعدها محاضرتنا , وباقي خمس دقائق عشان تبدا وللحين ماطلع الطلاب ماخرهم …. وطاح وجهي والحياه تبقا جميلة ..

  3. كليوباترا
    كليوباترا بتاريخ 2010/06/04 - 12:15 ص

    ههههههههههههههه
    اللهم لا شمااااته
    والله قمة قهر وصدقني مجربه هالموووقف اكثر من مره
    ويمكن الحرمااااااااااان خيره لك
    ههههههههههههههههه
    استغفر الله

  4. بدر شفاقة
    بدر شفاقة بتاريخ 2010/06/04 - 9:01 ص

    نادر
    وش اسوي هذا حال ادنيا , والله يستر من الجايات بس مع العلم اشوف ان في شي غلط
    الاختبارات الثانية حضوري قليل و دراجاتي عالية ومافي حرمان
    هذا احظر عنده و دراجتي عالية وماخذ حرمان

    هاني
    حياك بابا عودهـ منور يا عنوني
    رفع بالمدرسين لانك كنت مدرس و مهستر بالطلاب < الله يذكر ايامها ابو عودهـ قصتك هذي نفس ما سويت فيها انا سويت , بس مافي نصيب استنيت الدكتور اكثر من ساعه حتى انتهت المحاضرة الي بعد الاختبار بس وش الي صار ,, سفهني وطاح وجهي وانا انتظره كليوباترا المشكله محروم من المادة 3 مرات وهذي الرابعه ^ _ ^

  5. انا
    انا بتاريخ 2010/06/05 - 8:20 م

    يابن الحلال انا مره جاني الدكتور بالاختبار النهائي معه كشفين واحد 12 غياب واحد عشرة ويقولي وش تبيني اسويلك قالي اسمع جب درجة زينة وانا انجحك المهم حملة المادة تدري ليش لان كان لازم اجيب ستين لاني مادخلت الاختبار الشهري وكرهة المادة وحملتها ثلاث مرات بس والحمدلله تعديتها بعد طلعة الروح

  6. عادلـ الفدعــــــاني
    عادلـ الفدعــــــاني بتاريخ 2010/07/29 - 3:19 م

    يالله حياا زميل الدجه والوناسه بدر

    اللي جرا لك جرالي ونفس القصه تقريبا اشيل الماده معي لين ماينكسر ظهري من الحروف اللي طالعه من الكتاب وتميت بالكليه 4 سنون << ارحمني يالفصيح

    واخرتها جيد مظروب على افاه وسولي حفل تكريم لي لاني مابغيت اطلع واشيل طابع اسمي من كراسي الكليه اللي لزقت فيها كل عرق وكل حتسه وكل جرب فيها..واخرتها وربي خليت دلاااقي على قولتلكم ((جرابات )) ههههههههه معلق على احد السبورات بالكليه وطلعت بدلاااق واااحد لانه كان نذر مني <<خوووش حلف الله يهداااك ,,

    على قوله المغني والملحن العظيم والعظمه لله عزوجل
    على قوله الفنان البيـــــــــاتي

    وطبعا موجهه للكليه اللي الله يستر من عيالنا منها وصارت طموح للفشل فيها

    هاي اخر رساله بحبر الدموووع
    اقدمها لحبيبي بصوت مسموع
    بس وين القى عنوانه
    ويقرا عتابي بلسانه
    حسافه اللـ راح مافكر بالرجـوع

    صح لسان المرحوم شيخ الفــن ((ســعــدي البيــــــاتــي ))

    لك ودي يابدوووووووووري

  7. ريما خالد
    ريما خالد بتاريخ 2010/08/04 - 2:50 م

    تصير في احسن العائلات

  8. سعودي كول
    سعودي كول بتاريخ 2011/11/16 - 8:21 ص

    مميز ويعطيك العافيه

  9. Beroo
    Beroo بتاريخ 2012/11/30 - 6:04 ص

    هههههههههههههههههههههههههه
    هالمادة بروح السبت بشوف اخدت حرمان فيها ولا لسسسه
    والله يسسستر ><

  10. zaha
    zaha بتاريخ 2012/12/21 - 9:03 م

    ههههه اعجبني الاسلوب بصراحه ..المهم دقق على الاخطاء الاملائية ^_^

شارك بتعليقك

لن يتم نشر عنوان بريدك الإلكتروني. الحقول الإلزامية مشار إليها بـ *

  • Twitter
  • Facebook
  • Instagram
  • YouTube
  • YouTube
© 2025 مدونة بدر شفاقة